AGENCIES: COVID cases toh utha samay te centre para Sunday te khobor dishe ki sob monuments aro museums khan Archaeological Survey of India (ASI) bithor te June 15 tak bondh thakibo.etu te komti hoilebi 3693 monument aro 50 muesuems khan ase.
Union Ministry of Culture para twitter te koikena janaishe.”covid19 pandemic nimete sob centrally protected monuments/sites aro museums khan Archaeological Survey of India bithor te 15 June 2021 tak bondh thakibo nohoile khobor napaa tak.”
Olop akhe te ministry para sites aro museums khan ASI bithor te may 15 tak bondh kuirishe hoilebi pichede may 30 tak bondh kurishe.
Juwa sal te bi sob monument aro sites khan ASI para maintain kura toh covid19 pandemic nimete march 17 para bondh kurishe.
Etu pichede tai khan para July moina te wapas khulishe strick restriction logote etu te masks lagabole aro visitors aro social distancing khan thakikena.
India khan Sunday din ek fdin te 1,65,553 new COVID-19 cases thakishe etu toh sobse komtiu wala thakishe 46 din te etu para desh laga infection tally toh 2,78,94,800 te punchise.
Union Health Ministry hisaab te daily positivity toh 8.02 per cent te thakishe aro bachikena thaka toh 10 percent para nichete thakishe choi din wala t e aro weekly positivity rate toh 9.36 percent para namishe.
Add Comment