April 4, 2024: Experts kan para bird flue pandemic laka potential rapid spread deh jinta kan uthai shae. Etu bird flue pandemic para high fatality rate b ani bo pareh aro Covid pandemic lokot deh b 100 times bia hobo pareh, Dalit Mail para report kuri shae.
Report para experts kan laka jinta cite kuri shae. Experts kan agae deh ekta briefing lui shae kuteh researchers kan bird flue lake H5N1 strain deh kotha kuri shae. Kotha kura time deh taikan laka nutun pandemic laka jinta tho uthai shae. Virus tho ekta critical threshold punchi ase aro ekta global pandemic cause kuri bole pareh, scientist para kui shae.
Dr Suresh Kuchipudi, ekta prominent bird flue researcher ase Pittsburg deh. Tai para briefing time deh H5N1 tho ekta pandemic cause kuri bole pari bo kui shae. Kile koile flue tho mammals kan bishi infect kuri bole ability ase kui shae, tateh humans kan b ase. “Etu virus tho ekta pandemic cause kuri bole bishi potential ase aro mukan bishi osor deh ase etu hobo leh.” Tai para kui shae.
“Mukan ekta virus laka kotha kura nahoi kutu itia b aha nai, mukan ekta virus laka kotha kuri ase koth globally present ase aro puila para mammals kan keh infect kuri ase aro circulate b hui ase. High time ase mukan prepared tsaki bole,” Dr Kuchnipudi para kui shae briefing time deh.
Add Comment