Kohima, 23 October: Besi COVID positivity rate te national average para besi te, Nagaland toh fourth jaga te ase India te. Etu khobor toh Ministry of Health and Family Welfare (MoHFW), Government of India para data hisaab te ase.
Friday te MoHFW para aji, 23 Oct, 2020 tak Desh te 10 crore COVID-19 tests lowa te janaideya samai, 15 States /UTs laga khobor COVID Positivity Rate te national figure para be besi howa janaishe. Nagaland State toh besi COVID positivity rate te national figure para besi howa te 15 States/UT majode ase.
Ministry of Health and Family Welfare, GoI para data hisaab te, Nagaland’s COVID-19 positivity rate toh 15.4% ase. Aro national COVID-19 positivity rate toh aji, 23 Oct, 2020 tak 7.75% ase.
Maharashtra toh desh te 20.3% logode sobse besi COVID-19 positivity rate te ase. Etu bechide Puducherry 18.1%, Kerala 17.2% aro Nagaland 15.4% ase.
Nagaland Health Department para COVID-19 daily bulletin deya hisaab te, aji 23 Oct, 2020 tak sob melikena 8436 positive cases ase. Etu laga te 6500 patients toh COVID-19 para recover hoise. Etu para active cases toh 1837 te hisaab hoise. State para be COVID-19 nemide 22 mora khobor korise.
Add Comment