Nagaland, 04 Sep 2025: Bishi manu laga misunderstanding ase ki COVID recruitment backdoor appointment ase. Kintu etu mesha khobor ase. Backdoor appointment mane hoile juntu job announce nohoi, advertisement nohoi, aru favour, nepotism pra appointment kure.
Kintu COVID Special Recruitment toh, cabinet pra approve kurishe, publicly advertised kurishe, document aru eligibility bishi hoshair pra check kurishe, qualified aru competent officer khan interview loi she
Etu te meritocracy violate kurinai, transparency thakishe, aro political interference toh ekdam thakanai.COVID time te situation bishi emergency thakishe, time komti thakise aro restriction bhi thakishe. Regular recruitment juntu exam aro viva loile bishi time lagibo etu hisap pra jai she koile toh. Bishi qualified candidate khan bhi join kurinai, karon taikhan COVID patient serve kuri bole bhoi khaishe.
Essential health service cholai thakibo karne, Epidemic Act laga under te, sorkar nimite special step lobo dorkar hoishe. Tai COVID te recruit kora personnel khan ke special consideration dishe, aro taikhan risk loikina kam kurishe.
Government jodi essential service provide kuri bole power thakile toh, tai morally bhi manpower aro service sustain kuri bole duty ase.
Add Comment