Kohima, 14 April: Desh te second wave COVID-19 nemite, Nagaland laga Governor, R. N. Ravi para State laga sob Tribal Hoho leaders logote sensitization-cum-consultation meeting toh Wednesday, April 14, 2021 te Dr. Imkongliba Hall, Raj Bhavan jaga te loise.
Government para COVID19 laga first wave te tribal leaders para motob kora aro State Government logote cooperate kora opor te koise. Government para etu pandemic te Government ekala para kamiyaab koribole naparibole hoilebe tribal leaders laga cooperation ektum kaam howa janaishe. Tai para community leaders ke encourage koribole aro manu khan COVID-19 appropriate behaviours te manibole nemite ensure koribole koise.
Governor para be tribal leader khan tai khan laga experiences aro observations hisab te practical suggestions deya opor te appreciate korise koise. Suggestions toh State Government para lakiya action nemite agae loijabo.
Governor toh ahibole din State te GBs, Church leaders aro tusara faith based organizations laga leaders logote lok koribole ase koise.
Add Comment