AUGUST 27,2020: Meghalaya health department para sabole ase judi final year examination toh state te lobole paribo na naparibo.
North Eastern Hill University (NEHU) para August 21 te ekta notification dishe aro khobor dishe ki final year laga examination toh September laga third week par a lobole nimete aro etu notification para state laga students khan khilaaf kurishe.
Meghalaya director of health services (MI), Dr Aman War, para hoilebi koishe state government khan para etu chamela te kotha kuribole nimete.
Dr War koishe “Judi etu toh educational institutes khan examination lobole thik ase na nai COVID19 pandemic samay etu toh ekta chamela ase kotha kuribole nimetre.”
DHS koishe “Judi khobor olaishe koile toh ami khan ke khobor nadikena mui bhabona kuri ase government khan etu te kotha kuribo judi examination lobole ase na nai etu uporte.”
North Eastern Hill University para tai khan laga notice te khobor dishe ki examination toh Postgraduate and Undergraduate courses nimete lobole ase.
University khan etia tak bi university laga exam darek uporte khobor dianai.aro koishe final semester laga regular students kun khan examination te buibole pareh tai khan ke tai khan application toh August 31, 2020 tak te dibole janaishe.
Aro koishe Application toh online dibo.
Add Comment