Covovax Covid Vaccine Europe te bekabo ase

April 14, 2022: Tuesday din te Serum Institute of India (SII) laga Chief Executive Officer (CEO), Adar Poonawalla para koishe ke, European countries aro Australia te company para 40 million Covid vaccine doses oper exported korishe aro etu toh hoile India te first vaccine bona Europe te bekeri hoishe. Mr Poonawalla para ANI logoto interview samai koishe ke, “itya dak ami khan logot 200 million doses of Covishield stockpile ase aro ami khan para 40 million doses Covovax toh European countries aro Australia te exported korikena ase. Etu toh first time ase ke India te bona vaccine Europe te bekeri korishe.” “important milestone ase koikena Mr Poonawalla para koishe ke, “ami khan logot besas ase ke ahiboli din te be India te bona vaccine toh dosura European countries para manikena jolabo”. Etu samai Drugs Controller General of India (DCGI) para Covovax toh bacha umer-12 oper nemite jolaboli manishe, hoilebi administration para aro soruh nahoikena ase. Mr Poonawalla para koishe, “Covovax toh bacha nemite be jolabo. Etu vaccine toh DCGI para approved korishe aro CoWIN app te sob manuh jolaboli nemite Government of India para maniboli roki ase. Jodi etu government program te samil korishe koile, Serum Institute of India (SII) para same price Rs 225 charge koribo, tai para aro janaishe. Mr Poonawalla para Centre logot request korikena Covid vaccine laga second aro third dose laga gap toh 9 moina para 6 moina pithor te loboli koikena ase.