CPI(M) MLA Sudhan Das ke BJP para hamla korishe

June 28, 2021. Senior CPI(M) leader & MLA Sudhan Das toh Sunday din Belonia  te petroleum products aro essential commodities daam othi-thaka nemite opposition party para protest kori thaka samai BJP supporters khan para tai oper te hamla korishe koishe. 5 left parties khan para India programme toh CPI(M) para Sunday din Rajnagar, Belonia sub-division pithor te Agartala para 89 Km jaikena petrol daam nemite protest kora samai thakishe koishe. Rajnagar jaga te protest rally thaka beche, CPI(M) leaders, workers aro supporters khan bus stand te jama korikena thaka samai BJP supporters khan para CPI(M) leaders aro workers logot hamla kora te MLA Sudhan Das toh jokom paishe. MLA Sudhan Das toh matha aro hath te besi beya para jokom paishe. Dosura party leaders aro activists khan be etu samai jokom paishe. BJP workers khan para Sudhan Das laga ghor te pathor aro firecrackers para hamla korishe. MLA Das laga maiki Jaya Banerjee logot be chest te jokom paishe. Khobor hesab te BJP workers khan Belonia town hospital bahar te jama kora nemite MLA ke hospital te loikena jaboli parai nai koishe. Olop thiri thaka beche, tai ke Udaipur district hospital te loikena jaishe aro doctors khan para tai laga math toh stitched korishe. Ruling BJP leadership khan para CPI(M) laga kotha toh lowa nai aro CPI(M) para party pithor te jamila olai thiboli nemite khobor toh kowa ase koishe. Khobor para aro koishe ke, CPI(M) workers kaun khan rally te thakishe, tai khan para be BJP workers kelaaf te hamla korikena konuba BJP workers khan be jokom paishe koishe. Etu samai police aro manuh khan ke ketabo nemite tear gas joilaishe koishe. Tui side te komti hoilebi 13 manuh jokom paishe koikena BJP mandal president Ranjit Sarkar para khobor toh janaishe. Etu samai CPI(M) khan para statement te hamal kora nemite condemned thishe. CPI(M) para workers khan ke hamla korikena tui(2) jun jokom paishe. Fire service gari naha akhe te locals khan para jui toh bondh korishe.