CPO kan Medical Camp manaise

DIMAPUR, NOVEMBER 18 : Chakhesang Public Organisation (CPO) kan Chakhesang Doctors kan logot eke pora melekena Medical Camp manaise. Etubi Phek District laga Tizu jaka te jua habta. Etu Medical camp mana toh K. Khuno, Kizari, Kotisu, Suthotsu aro Tehepu bosti te manaise. Aro etu mana time te 293 jun alak-alak bemar thaka kan ke saide kena thakise. Etu oporte Suthotsu bosti te November 16 te 2 jun Besina pora hatijabole nabara (bed ridden patients) bi ahe kena thakise. Aro etu bemar manu kan ke free pora dawai kan dede kena thakise koise.Etu bejete CPO General Secretary Mutsivoyi Kotso pora Mission Director NHM aro Directorate of Health & Family Welfare Nagaland kan ke bhal te motub kurikena thaka karne besi khushi baa aro bhal kotha janaidese. Etubi etu camp mana time te kari kan kobi Ambulance, Dawai aro Poisa kan nemite motub kura karne.