Headlines • Nagaland

CR.P.C-1973 laka Section 144 impose hui shae State deh

April 19, 2024
14 Views

18th Lok Sabha 2024 laka General Election karne, District Magistrate, Mon, Ajit Kumar Verma, IAS para alak alak instructions kan bishi issue kuri shae last 48 hours karne. Etu tho CrPC-1973 laka section 144 provisions kan invoke kuri nah manu kan laka assembly movement restrict kuri bo karne ase.

Lok Sabha General Election karne campaign tho  prohibited ase closing poll day laka 48 hours before deh i.e 4:00 PM para 17th April 2024 deh. Hoile b, kwa laka 48 hours lah time deh door to door campaigns kan tho allowed ase Assembly Segment laka DEO/AROs para prior permission paileh tho.

Schedule hua Lok Sabha General Election tho free, fair aro peaceful manner deh conduct kuri bo karne, tai para CrPC-1973 laka section 144 provision kan invoke kuri nah etu kan prohibit kuri ase: –

  1. District deh pasjun nahoileh etu laka upor manu kan jama kura tho
  2. Puntok kan kuri nah manu kan jaka jaka bira tho
  3. Public meetings kan lua tho
  4. Slogans kan hala kura tho aro Loud Speakers kan chua tho
  5. District deh takla public peace aro tranquility disturb kura tho

Etu upor deh taka restrictions kan tho election duty deh taka District Administration, Police, Security Forces, Law enforcement agencies, Emergency Services, Personnel/Vehicle kan keh applicable nahoi. Constituency laka bahar deh taka sob political functionaries aro party workers kan aro kun kan constituency laka voters kan nahoi, taikan phat constituency tho chari bo lakeh campaign period tho kotom hua piche deh.

Etu order laka violation tho legal action para prohibited ase, IPC laka section 188 aro Election laws laka laka relevant provisions pitor deh. Etu order tho  pass hui shae ex-parte U/S 144 (2) Cr.P.C – 1973 aro 17th April 2024 laka  4:00 pm para effect deh ahi bo aro 20th April 2024 tak force deh taki bo Mon laka sob district deh.

Noklak

District deh public order maintain kuri bo karne aro Lok Sabha 2024 laka free, fair, participative, accessible, inclusive aro safe election conduct kuri bo karne, Deputy Commissioner & District Election officer, Noklak, Nagaland para CrPC laka Section 144 pitor deh taka dia power laka exercise deh, etu kan prohibit kuri ase: 

1.         District deh pasjun nahoileh etu laka upor manu kan jama kura tho

2.         Puntok kan kuri nah manu kan jaka jaka bira tho

3.         Public meetings kan lua tho

Etu upor deh taka restrictions kan tho  election duty deh taka District Administration, Law enforcement agencies ari officials kan keh applicable nahoi.

Order tho 17th April 2024 deh effect deh ahibo 4:00 P.M deh aro 20th April 2024, 6:00 AM tak force deh taki bo.

(k.K Chim, IA Noklak)

Peren

Deputy Commissioner & District Magistrate Peren, Vineet Kumar para CrPC – 1973 laka section 144 pitor deh dia power laka exercise deh aro 6- Tening AC aro 7-Peren AC laka jaka deh peace aro tranquility maintain kuri bo karne etu kan prohibit kuri shae:- 

District deh pasjun nahoileh etu laka upor manu kan jama kura tho

Non-essential nature laka vehicular movement kan

Etu order tho 17th April 2024, 5:00 PM para force deh ahi bo aro 20th April 2024, 5:00 AM tak taki bo Peren District deh.

Duty deh taka District Administration, security personnel, Magistrate laka officials aro staffs kan aro manu kan kun election duty/essentials services deh engage ase, taikan tho exempt hui nah ase.

Manu kan kun etu order violate kuri bo, taikan keh Law laka relevant section pitor deh prosecute kuri bo aro etu order tho sob concern manu kan keh serve kuri bo napara karne, etu order tho ex-parte deh issue kuri shae.

(Mamang IA, Peren)

Tuensang

Aha 18th Lok Sabha Election laka General Election nam deh, Election laka campaign period tho 17th April 2024, 4:00 PM deh bon hui jabo, Representative if the People Act 1951 laka section 126 isap deh.

Deputy Commissioner aro District Election Officer Tuensang A. Zibenthung Kithan, NCS para, Section 144 CrPC, 1973 para taike power dia exercise deh prohibitory order impose kuri shae:-

  1. Election laka nam deh public meeting kan address, joint, attend, hold nahoile convene kura tho
  2. Cinematography, Televsion aro alak apparatus kan chui nah election mamla deh public keh display kura tho
  3. Musical concert nahoile kushi ekta entertainment kuri nah public kan keh election mamla deh propagate kura tho

Etu kan aro restrict kureh: 

  1. District deh pasjun nahoileh etu laka upor manu kan jama kura tho. Hoile b, door to door campaigns kan tho allowed ase,  Assembly Segment laka DEO/AROs para prior permission paileh tho.
  2. Constituency laka bahar deh taka sob political functionaries aro party workers kan aro kun kan constituency laka voters kan nahoi, taikan phat constituency tho chari bo lakeh

Restrictions kan tho election duty deh taka District Administration, Security Personnel, Magistrate , Medical personal, students kan kun exam kan karne travel kuri ase aro manu kan kun election duty aro essential service deh engaged ase, taikan keh applicable nahoi.

Urgent circumstance kan karne, etu order tho ex-pate passed kuri shae aro 17th April 2024, 4:00 PM para pass hobo aro 20th April 5:00 Am tak force deh taki bo Tuensang laka sob district deh.

(DPRO Tuensang)

Mon