Cranberries singer Dolores O’Riordan

September 06, 2018 : Cranberries, laga lead singer Dolores O’Riordan  modu bishi khaikena  bath te murishe. London coroner’s court laga inquest luwa toh etu toh  O’Riordan’s 47^th jonomdin hobole thaka ase khobor te janishe tai bishi modu khai thakishe Park Lane, London, Hilton hotel laga room 2005 te murikena pai thakishe  9 am nshena 15 january te .Tai laga alcohol level toh  330mg per 100ml khoon nishena thakishe  etu toh 4 bar pora bi upor thakishe .Court koishe tia bishi dukh pai thakishe bishi sal bipolar disorder aro bishi modu kha nimete . O’Riordan, kun pora London te ase recording session nimete thaka toh tai ke ekta kaam kura manu pora paishe morning te tai hotel te aha pichede .Tai laga chehra uporte thakikena bath te thakishe , long sleeve vest aro pyjama bottom lagaikena  .Paramedics khan punchikena police khan CPR loi thakishe tai laga bathroom te .9:16 am te tai murishe koikena khobor dishe.Evidence te dikha hisaab te tai bishi modu khaikena aro smoke aro prescription drugs khan lorazepam thakishe.5 ta khali thaka miniature minibar 2:10 am te thaka toh  paishe aro etu logote 35cl bottle champagne paishe . Dr Adam Combe  post mortem report te koishe ki o Riordan toh modu bishi khaikena  mura ase .tai laga khoon te dawoi laga levels khan paishe.Aro ekta note bi paanai aro police koishe tai mura toh suspicious thakanai.