New Delhi, 19 August : India Test captain Shubman Gill wapas aji thaki lobo T20 International format te, aru upcoming Asia Cup (UAE te hobo) nimite vice-captain appoint korise. Suryakumar Yadav India laga T20 team lead kori thakibo. Squad te dangor inclusion ase pace spearhead Jasprit Bumrah aru spinner Kuldeep Yadav, duijon jaa saal T20 World Cup (Barbados) pora wapas T20 side te ahise.
BCCI chief selector Ajit Agarkar press conference te announce kori dise ki Prasidh Krishna, Washington Sundar, Riyan Parag, Dhruv Jurel aru Yashasvi Jaiswal India laga Asia Cup squad nimite standby ase. Abhishek Sharma, Tilak Varma, Hardik Pandya, Shivam Dube, Axar Patel, Jitesh Sharma, Arshdeep Singh, Varun Chakaravarthy, Sanju Samson, Harshit Rana aru Rinku Singh squad te retain hoise, juntu agey te England laga five-match T20 series te khelithakise.
Asia Cup T20 tournament, jun eight-team hobo, Abu Dhabi aru Dubai te September 9 pora 28 tak khelijabo. Defending champions India Group ‘A’ te ase Pakistan, Oman aru UAE logot. India laga campaign September 10 te UAE khilaf shuru hobo, aru September 14 te archrivals Pakistan logot blockbuster clash hobo.
Add Comment