England, 27 October : England itia juli thakia ODI World Cup dey aro ekta pahuria laga outing thakishey kitia taikhan ke Sri Lanka para outplay kuri dishey Thursday dey Bengaluru. Agey batting kuriboley chunia piche dey, Jos Buttler para lead kuria side ke156 karney bundle kuri dishey, juti Ben Stokes para 43 runs score kurina bhi. Piche dey, Sri Lanka para 25.4 dey target khitaishey haat dey eight wickets thakina. Itu toh England laga fourth haar thakishey five matches dey aro defending champions toh eliminate huwoley hi asey semi-finals jawoley laga race para.
Three Lions toh bishi backlash pai asey bishi former cricketers laga haat para tournament dey taikhan laga dismal show karoney. Recently, taikhan laga former skipper Nasser Hussain para meetha khota kuanai aro star India batter Virat Kohli laga form dey example dishey Team England ke criticize kuriboley.
“Mui khushi napaa toh khiladi khan ke cop out dia toh asey. Aro mui lagia hisab dey muikhan English cricket dey kitiaba itu kurey. Kitia muikhan 50-over World Cup aro 20-over World Cup jitiwo, itu bhaal nahoi? Muikhan brilliant asey. Itu English cricket laga structure asey, muikhan ekta disgrace aset. Muikhan 20-over cricket khiley, muikhan 100-ball cricket khiley, muikhan 50-over cricket kaafi nakhiley,” Nasser kuishey Sky sports ke.
“Kiman 50-over cricket khilishey Virat Kohli para? Nahuiley Heinrich Klaasen nahuiley bahar dey thakia kun huilewi? Taikhan domestic 50-over cricket nakhiley, taikhan duniya pura laga T20 franchises para seekh lui. Itu para jaa six saal dey itu bhaal side panaishey, duniya pura dey T20 franchises khiliwoley ahaa jaa kurina. Bishi biya bahanaa asey,” tai halishey.
Nasser para England ke taikhan laga biya tactics karoney gaali dishey, kuntu para itia juli thakia World Cup dey taikhan ke giraishey.
“Back to back, mui para England ke itu nishina biya khilia kitya bhi dikhianai. Taikhan para tactics podli kurishey, taikhan laga all-rounders dey taikhan wapis jaishey. Taikhan toss podli kurisheh, taikhan agey bat kurishey. Toh itu para dikhai ki tactics toh bishi kaam ahey, team toh important aset, tui toss dey ki kurey itu important aset, huilewi sobse important cheez eku sport dey aro cricket dey, itu tih khiladi khan taikhan laga khel upar dey thakia, especially ekta World Cup dey,” kuishey Nasser.
“Tui utu dressing room dey itia piraina jailey aro taikhan ke taikhan laga haat muun dey rakhina aro kuwi , tui bhaal nick dey asey? Mui phabna dey ekjun nahuiley tuijun para kuwo parey. Taikhan sob ekta unit nishina toh giri jaishey aro taikhan laga form para taikhan ke chari dishey. Itu ke South Africa aro taikjan laga batting lineup ke comapare kuribi, sob manu nick dey aset. Tui India aro taikhan laga batting lineup ke sawi, Rohit, KL Rahul, Virat Kohli, Shubman Gill – sob nick dey,” tai halishey.
England toh itia hosts India khilaf khilibo taikhan laga ahia ODI World Cup 2023 match dey Sunday Lucknow dey.
