Cristiano Ronaldo para history bonaise 100 goals mari kena four clubs para

Hong Kong, 24 August 2025: Cristiano Ronaldo tu aru ekbar tai laga career te new milestone te punchi jai she, tai tu four different club Karone 100 competitive goal score kuri kena tai history te ekta first player hoi jai she . 40 years old forward tu August 23, 2025 te, Hong Kong Stadium te Saudi Super Cup final match te Al-Nassr aru Al-Ahli laga game te, ekta first-half penalty goal diya time te, century reach kuri she. Ronaldo December 2022 te Saudi club join kuri thaki she. Etu Karone Ronaldo laga gol collection tu ekdom dangor hoi jai she – 450 Real Madrid karone, 145 Manchester United karone aru 101 Juventus karone. Etu Karone tai Isidro Langara, Romario aru Neymar ( etu  khan kiman 3 club karone 100 goal score kuri she) etu khan para he agae jabo lae parise. Tai international football te bhi top scorer ase, 138 goal Portugal karone score kuri she. Hoilae bhi Ronaldo laga milestone hosa pe che te Al-Nassr khan tu final te disappointing result ani she. Ronaldo laga opening goal para thik piche te Franck Kessie equalize kuri she. Last 10 minute under te Marcelo Brozovic para Al-Nassr aro ekbar lead te ahi de she, hoilae bhi Brazilian defender Roger Ibanez laga header Al-Ahli karone last-minute equalizer ani de she, aru match tu penalty shootout te ja bole prai she. Penalty shootout te Ronaldo para tai laga spot-kick score kuri de she, hoilae bhi teammate Abdullah Al-Khaibari para miss kuri de kena, aru Al-Ahli 5-3 para jiti jai kena tai khan laga  season first trophy tu uthai loi she. Saudi Arabia te ekta major trophy tu jiti bole baki thaka bhi, Ronaldo laga nutun landmark para aru ekbar tai nijor ke ekta greatest goal scorer aru ekdom legendary player koi kena prove kuri de she, aru tai laga career laga last stage te bhi continue kuri thaki bo.