Saudi Arabia, 28 May : Cristiano Ronaldo para Monday dey season goal-scoring record set kurina Saudi Pro League khotom kurishey. Ronaldo para Riyadh dey tuibar score kurishey kitiaAl-Nassr para Al-Ittihad ke 4-2 haraishey aro tai laga league tally 35 tak uthaishey, 2019 dey Abderrazak Hamdallah laga record logot ekta bishi.
First half laga final seconds dey, Ronaldo, kun laga tuita goals offside karney rule out kurina thakishey, Mohammed Al-Fatil laga lamba pass ekta chati para marishey aro area laga left side para ekta low shot logot itu scoring khulishey.
21 minutes pachina, itu five-time Ballon d’Or winner, Marcelo Brozovic logot para ekta corner ghor dey head kurina celebrate kurishey. Taike five minutes piche dey home fans para ekta standing ovation dina field para substitute kurishey.
Itu toh Ronaldo karney ekta action-packed season thakishey, kun four hat tricks score kurishey aro ekta red card luishey. Taike February dey Al-Shabab fans ke obscene kuria karney bhi suspend kurishey kun para Lionel Messi laga naam chant kuri thakishey, Ronaldo laga longstanding football rival.
Al-Nassr itu league dey second khotom huishey, local rival Al-Hilal logot 14 points piche, kun itu championship tui haafta agey dey jitishey aro Monday dey 34-round league unbeaten complete kurishey.
Al-Ahli, ‘Big Four’ clubs laga fourth kuntu Saudi Arabia laga Public Investment Fund para jaa June takeover kurishey, third khotom huishey, Al-Nassr logot 17 points piche. Al-Ahli para Al-Fayha ke 1-0 haraishey ekta deri goal karney — itu season dey tai laga ninth — former Liverpool forward Roberto Firmino logot para.
Ronaldo para headlines luishey, huilewi, aro itu 39-saal itu season ekta trophy logot khotom kuriboley alag chance thakishey kitia Al-Nassr toh Al-Hilal ke King laga Cup final dey log pawo Friday dey.
Add Comment