Cristiano Ronaldo pora Italian League Player of the Year chitise

Milan: Monday te Cristiano Ronaldo ke  Italian league’s player of the year award dise.

Ronaldo tai laga prize lobole Milan laga Gran Gala del Calcio te ahise, Parise te Ballon d’Or ceremony te nahoi kena, best player in the world vote te tai third dhakise.

Juventus main award suru nahowa ek ghonta ake te, alak guests khan laga dui ghonta biche te ahi kena tai laga prize lobole somoy nabonja tak tai laga kari te rukhi dhakise.

“Etu award baa toh ektam tangor ase,” Ronaldo pora Italian ke koise. “Moi laga Juventus teammates khan logot khushi janai di ase.

“Moi Italy te khilibole ektam khushi pai ase, ektam tan league dhakise. Moi ke vote diya khan sob logot khushi janai di ase. Moi etu sal bhi phal khilibole kosish kuribo.”

Italian ceremony te pohili bar karne female players khan karne bhi award dise. Roma aro Italy forward Manuela Giugliano pora  top prize chitise.

Etu awards karne bura footballers, coaches, referees aro journalists mixed kuri kena vote kurise.

Ronaldo Real Madrid te pora July 2018 te Juventus logot sign kurise aro  Bianconeri ke Serie A title te eight bar chitibole modot kurise.

34 umar Ronaldo pora bura competition te Juventus karne  28 goals dise league te 21 bhi milai kena.

Atalanta ke third place aro Champions League tak bon jai diya biche te  Gian Piero Gasperini pora  best coach award chitise.

Atalanta toh Juventus aro Italian Cup winner Lazio khan laga ake te season laga team dhakise.

“Moi etu award ke bura club, bura  players, bura Bergamo logot te share kuri ase kintoh moi khan pora ektam phal kam kurise etu bhi sob eksat,” Gasperini pora koise.

Gasperini pora former Juventus coach Massimiliano Allegri aro Bologna’s Siniša Mihajlovic ke harai dise.

Brescia’s Sandro Tonali pora  best Serie B player award chitise.