Manchester, 4 February : Paanch baar Ballon d’Or jitaka Cristiano Ronaldo laga ekta ulta kotha disclose kuri dise ki taike FC Barcelona sign kuribole opportunity thakise, tai Sporting Lisbon pra Manchester United te sensational transfer hobo laga aage te. Kintu Ronaldo laga Barcelona move collapse hoise, aru piche te tai Barcelona laga dangor rival Real Madrid te bhi kheli dise. Football history laga sobse prolific goal-scorer Ronaldo Sporting Lisbon te ekta prodigy thaikena dangor clubs khan laga nazor te ahi jaise, aru itu te duta front-runners thakise tai ke sign kuribole – Barcelona aru Manchester United. Jodi Barcelona move pura hoi jaise thakile, footballing dunia Lionel Messi aru Ronaldo ke ekta team te kheli thaikena dekhibo paise thakibo.
Ronaldo reveal kurise ki kyu taike Barcelona te join kuribo no para hoise. Transfer window te sob kaam tezi te hua kaaran tai Manchester United te sign kuribo laga chance paise.
2016 te Barcelona laga president Joan Laporta ekta interview te itu disclose kurise ki FC Barcelona Ronaldo ke sign kuribo bohot nazik ahi jaise thakise.
Manchester United te Ronaldo duta bar kheli dise. First stint te tai winger thakikena 84 goals mari dise, aru Premier League titles aru ekta UEFA Champions League jitise, piche te 2009 te taike Real Madrid te record-breaking transfer pra sign kurise.
Tai 2021 te Manchester United te wapas ahi jaise, kintu itu move bhal no hoise, club aru Ronaldo laga relation te end bitterly hoise. Tai aru club mutually tai laga contract terminate kurise, piers Morgan laga interview te tai manager aru club laga owners ke criticize kura karone.
Add Comment