NEW DELHI: Jua kali traders laga body para desh pura te Bharat Bandh kurishe. Etu toh CRPF laga murija soldiers khan laga families khan logote mon ekta hoi kena ase dekhabole nimite ase. CRPF jawans khan toh February 14 te Jammu aro Kashmir laga Pulwama te huwa attanki hamla te muri jaishe.
Confederation of All India Traders (CAIT) para tai khan laga statement te apsos thaka janai kena koishe murija CRPF jawan khan ke eszat (respect) de kena markets khan toh bon hubo aro business activities khan toh nohubo koishe. CAIT koishe bandh toh shanty para hubo koishe.
CAIT para news agencies khan ke koishe traders khan toh din-lamba fast thakibole ase koishe. Aro respective jaga khan te march kuribo koishe.
Uttar Pradesh, Rajasthan, Haryana, Delhi, Jammu and Kashmir, Punjab, Maharashtra, Tamil Nadu, Assam aro West Bengal laga business khan toh bon thakibo koishe hoile bhi public transport aro dusra lagi thaka services khan toh bandh nimite affect nohubo koishe.
Traders khan para soldiers khan laga families khan nimite fund juma kuri kena dibole decide kurishe.
CAIT general secretary Praveen Khandelwal koishe China khan para Pakistan ke saath diya nimite, traders khan national campaign suru kuri kena Chinese saman khan toh boycott kuribole decide kurishe.
Add Comment