Crucial raasta State Capital tak laga: Niuland – Kohima raasta tak laga Ghotovi para Zhadima tak revamp laki ase

September 20, 2024, 06:00 PM : Ekdam jarooi laga raasta, State laga capital tak jawa laga, Niuland para Kohima jawa raasta, Ghotovi para Zhadima hoi kena jawa raasta toh hoiley, bishi para revamp kuriboley lagai asey. Itu toh hoiley ekta alternative raasta asey kuntu toh hoiley Kohima tey jaboley pari asey yatey para, hoielbi itu toh hoiley 20 saal para Government toh neglect kuri kena ahishey itya tak. Itu raasta toh 27 Km tak laga asey neglect kuri kena thaka toh, Niuland para New Phekerkriema Raasta tak tey, kotey toh hoiley ekdam major para restore kuriboley lagi asey. Poila 1999 tey itu toh hoiley ekta vital NEC Project thakishey, kuntu toh hoiley alag alag District khan ke connect kuria laga thakishey, itu raasta itya toh pura biya hoi thaki kena asey. Itu 27 KM lamba raasta repair kuriboley thaka toh, NH-29 ke alternative hisap tey chulaboley karney asey, aru aha jawa kuria manu khan cinta kuriboley diya toh kmoti kuriboley, Head GB para koishey.