Nagaland

CS Para Progress Review Kurishey, Nagaland Solar Mission Opor Tey

9 months ago

May 28, 2025, 04:03 PM: Chief Secretary, Dr J Alam, IAS para review meeting loishey, Nagaland Solar Mission logotey, CS Conference Hall, Nagaland Civil Secretariat tey para, 28th May, 2025 tey.

Chief Secretary para itu review meeting loishey, Nagaland Solar Mission laga progress aru update toh discuss kuriboley karney, kuntu toh hoiley PM Surya Ghar: Muft Bijli Yoiana (PMSG: MBY) Rooftop Solar (RTS) logotey convergence tey.

Itu meeting tey toh hoiley -Commissioner & Secretary, Power, Asangla Imti, NCS, Addl CE (D&R), Team Leader, Nagaland Solar Mission Er. Lobosang aru Power Department laga itu alag alag official khan para attend kurishey.

Itu meeting laga homoi tey, Dr. Alam para itu information toh sob ke punchai diboley aru extensive para public awareness campaign khan banaboley lagi thaka laga underscore kurishey, maximum manu khan itu scheme toh avail kuriboley pariboley laga ensure kuri kena. Tai para itu department ke portal toh attractive, accessible aru simple language chulaboley karney direct kurishey, eneka hoiley hey bishi manu khan bujiboley paribo aru itu scheme tey register kuriboley paribo. Tai para akha kuri asey ki, itu state government laga support logotey, itu Nagaland Solar Mission toh hoiley successful para implement kuriboley paribo, itu State tey.

Team Leader, Nagaland Solar Mission, Er. Lobosang para itu mission laga progress opor tey update kurishey aru tai para itu bhi inform kurishey ki, itu smart meter toh hoiley free para diboley asey customer khan ke, itu rooftop solar install kuria laga homoi tey. Tai para aru koishey ki, itu smart pre-paid meter khan kuntu toh hoiley Net-Meter tey configure kuriboley parey, tai khan ke toh hoiley Department para provide kuriboley asey, RDSS scheme under tey, khali itu standard meter rent itu tariff notification laga hisap tey, charge kuriboley asey, muhina laga basis tey.

Tai khan para mention kurishey ki, Solar Mission toh hoiley PM Surya Ghar Muft Bijili Yojana logotey convergence thaki kena, rooftop solar panel installation promote kuriboley aim kuria laga asey, residential household khan tey, itu state bhitor tey.

Consumer khan online para register kuriboley paribo, aru tai khan sob lagi thaka information bhi paboley paribo, itu www.pmsuryaghar.gov.in portal para.