Nagaland

CSUD para notun office bearers suru korise

September 1, 2019
74 Views

Dimapur, 1st September: Chakhesang Students’ Union Dimapur para 31st August 2019 deh tenure 2019-21 nemide notun officers bearers suru korise. Etu toh Hotel Europa Inn, Dimapur deh programme lowah time deh suru korise. Notun team deh President nemide George Krome ase aro General Secretary nemide Thupuhu D Vadeo ase.

GB Chakhesang Colony, Dimapur, W. Kholie Kapfo para students aro tusara khan logode kotha kora time deh notun team ke congratulate korise aro students community khan ke duniya laga box deh olabo nemide mondangor korise. Tai para be society deh besi active thakibole koise. Tai koise, student toh aim kora deh 100 percent debo laki.

Dimapur Naga Students’ Union president, Sedevilie Angami para tai khan ke mana nakorikena giyan pabole koise aro dekthari paise koilebe dukh korikena inspire hobole koise.  Tai para be student khan ke society putli kuribo nemide tai laga pura kosish debole koise.

Tenyimi Students’ Union Dimapur president, Rukewezo Wetsah para notun team ke congratulate kora time deh dukh kuribole koise aro tai khan laga duties toh students’ community laga welfare nemide kuribole koise.

Jai thaga president, Veseta Rhakho para tai laga speech deh koise, tai nemide etu toh jani thaga experience thakishe. Tai para etiya post toh experience pai kena chari ase koise. Tai para student community ke samjaise dangor manu laga kotha honibo nemide.

Notun team deh president nemide George Krome, Rhito Mero (vice-president), Thüpuhü D. Vadeo (General Secretary), Neibeü Tsido (assistant General Secretary), Kühüsheyi Venuh (finance secretary), Tekhepe Khalo (education secretary), Tekhenguloü Kapfo (publicity and information secretary), Arhlu Ritse and Riloü Lasuh (women co-ordinators), aro Wekhro K. Mero (treasurer/banker) ase.

Students union ke be Tepe K. Tara as speaker, Tsope Letro (deputy speaker), aro Meliteü Kapfo as Assembly Secretary  para lead kuribo.

Installation programme deh chair nemide Neilhiu Kenye thakishe aro youth director, Chakhesang Baptist Church Dimapur, Vepakho Vese para invocation prathana korise.

Notun team nemide wada kora ke convener, nomination committee, Khemvu Mekru para saijaise. Notun office bearers nemide senior pastor, CBCD, Rev. Dr. Weyiete Lohe para prathana korise.