Cuba, 8 November 2024: Cuba te officials khan power wapas ani ase country khan pura Wednesday din te blackout hoi kina. Etu blackout toh Hurricane Rafael pra kura laka ase, country laka president pra janai dishey.
Hurricane Rafael pra kara hawa 185km/h (115mph) laka anishey, etu pra country laka electricity system pura shutdown kuri dishey second time karne weeks te.
Atleast 70,000 manu tai khan laka ghor pra olai jaishey storm toh Wednesday din te napuncha agae pra, warning paishey storm surges, flash flooding aro mudslides khan laka.
Echa tak fatalities khan report kura nai.
President Miguel Diaz-Canel pra koishey Artemisa aro Mayabeque laka province aro capital Havana khan ke b biya pra lagishey. Echa pra ki kam kureh sop thik thak hubo nimite ase. Eki lokot sop manu kuribo, enika koishey.
Country laka western part khan flooding aro properties khan ke bishi nuksan hwa dikhi paishey Hurricane pra kura laka. Country laka 10 million population khan echa b power natha kina bhui ase.
Havana te manu pra pharuwa, jharu aro baltin khan chulai ase letara, gela mati khan sapa kuribo leh, Thursday din te.
Add Comment