Kohima • Nagaland

Cultivation Aro Management Of Flowers & Vegetables laga training programme khotom hoishe

August 10, 2019
38 Views

KOHIMA,AUGUST 09,2019: Department of Horticulture khan  Saveer Biotech Limited, New Delhi aro  Meghastar Agro Horti Pvt limited, Guwahati logote milikena   8th August 2019 para shuru kurikena  9th August 2019 Conference Hall, Directorate of Horticulture, Kohima te  cultivation and management of flowers & vegetable protected condition bithor te  ekta dui din programme loishe .

Addl. Director of Horticulture, Qhutovi Wotsa tai laga keynote address te koishe Nagaland toh bishi diri ase  export oriented production uthibole ase etu  state khan  potential ase   hoilebi tai trade policies toh sabole naprah hoijaishe .Tai para koishe ki Nagaland toh ekta advantage ase  good climatic condition aro mati thaka nimete etu toh  alag alag kisim  flowers & Vegetables olabole para nimete .Tai para trainees khan ke koishe etu harvesting season toh sabi koishe etu para  buyers aro consumer laga demand khan sabole paribo nimete.

Employment aro go green bonabole nimete wotsa para sob ke  flower chulabi koishe artificial flowers nohoikena   .Tai para trainees khan ke chemical khan komti chulabi koishe  etu para tai khan laaph pabole nimete  aro  buyers aro consumers khan ke bi dukh napabole nimete .

Tai para trainees khan ke   flowers aro vegetables khan ke chunibi  koishe etu para tai khan economic returns pabole nimete .

Deputy Director of Horticulture, S. Senka Jamir koishe ki flowers laga demand toh olop olop para utha nimete floriculture toh ekta lucrative business hoijaishe horticulture sector te .Tai para bhabona kurishe etu training toh  laaph thakibo flower aro vegetable laga quality bhal hobole nimete  aro etu para  small scale aro  horticulture  business te modot kuribo.

Etu training laga second day laga resource persn khan toh  Dr. Hema Kumar Makhure, Saveer Biotech Limited, Delhi aro Gunin Roy, Meghastar Agro Horti Pvt Ltd, Guwahati  ase.First technical session te trainees khan ke   cultivation of Lillium, cultivation practices of Gerbera & Carnation and Cultivation practices of Tomato/cherry tomato aro second session te  Management of Poly house  T. Eluba, Asst. Horticulture Officer para kotha kurishe .

Etu training toh  Mission for Integrated Development of Horticulture (MIDH), Ministry of Agriculture Cooperation & Farmers Welfare, Govt of India para loishe .Etu programme te sob district para 80 manu khan bhaagh loishe.