New Delhi, 15 June : Obsession para box office te history bonaise
Curry Barker laga horror film Obsession etiya worldwide box office te $286.5 million collect kori loise, aru Deadline report hisab te film tu etiya film festival pora acquire kora sob pora highest-grossing movie bonise.
Etu para The Blair Witch Project laga reported $248.6 million global collection ke bhi cross kori dise. The Blair Witch Project tu Sundance 1999 pora Artisan para $1 million pora besi te acquire kori thakise.
Micro-budget te bonaijaa Obsession, juntu laga production cost under $1 million (around $750,000), box office te ekta dangor surprise hoi uthise. Horror genre te normal trend ulta, film tu consecutive weekends te revenue increase dikhaise aru film acquisition history te sob pora successful title majot ekta bonaise.
Film te Indie Navarrette aru Michael Johnston lead roles te ase. Release pichete 5 weekends majot 4 weekends te film laga earnings opening weekend ($17.1 million) pora bhi besi ahise.
Obsession para Blumhouse aru Universal laga Oscar-winning horror hit Get Out laga $259.9 million global collection ke bhi cross kori dise.
Reports hisab te, producer Jason Blum laga Blumhouse Atomic para film laga marketing support karone executive producer hisab te join korise. Domestic box office milestones laga bonus agreement karone company para around $17 million box office bonuses pai ase kuina janai dise.
Film tu Under the Shell, Tea Shop Productions aru Capstone Pictures para independently produce kori thakise. Toronto International Film Festival laga Midnight section te premiere hua pichete, Focus Features para film ke $15 million te acquire korise.
Sources hisab te, Capstone Pictures para etu film pora $45 million pora $50 million majot profit koribo kuina expect kori ase, juntu creative team, including director Curry Barker, logot share kora hobo. Eki logot, Focus Features para around $125 million profit koribo kuina reports ase.
Obsession laga extraordinary success para horror genre aru independent filmmaking dunia te bisi dangor discussion uthaise.
