July 25, 2024: Capital Convention Centre, Kohima deh ekt chutu inaugural program lui nah, Cybercrime, Digital Forensics & Intelligence deh two day national conference tho shuru hui shae. Etu program tho 25th July 2024 din deh taki shae aro Advisor IT&C, Economics Statistic & Evaluation, Sethrongkyu Sangtam tho program laka special Guest taki shae. Secretary Ministry of Electronics aro Information Technology (MeitY), Government of India S. Krishnan, IAS tho Guest of Honour taki shae. Conference tho “Cyber Secure Bharat: Fortifying India’s Digital Future” laka theme pitor deh lui ase.
Inaugural program deh kotha kura time deh, Advisor IT&C, Economics Statistic & Evaluation, Sethrongkyu Sangtam para aji laka dunia deh cyber security tho bishi zaruri hui shae kui shae aro mukan laka digital security deh threats kan ki ki ase, etu kan highlight kuri shae. Tai para etu threats kan para mukan laka national security, economy aro public safety keh harm kureh kui shae. Tai para knowledge sharing aro innovative solutions kan papi bo lakeh kui shae, cyber threats laka against ekta kara defense bana bo karne.
Secretary, Ministry of Electronics and Information Technology (MeitY), Government of India S. Krishnan, IAS para taila speech deh, Ministry of Electronics aro Information Technology para lua projects kan keh acknowledge kuri shae, region laka digital service keh improve kuri bo karne. Tai para country face kura ekta risk tho cyber security ase kui shae.
DGP Nagaland Rupin Sharma IPS, Sr. Director & CG HRD, MeitY, GOI, A K Pipal, Commissioner & Secretary, IT&C, Muhammed Ali Shihab, IAS and DG, NIELIT- MeitY, GOI Dr. Madan Mohan Tripathi kan para shorts peeches kan di shae
Secretary Ministry of Electronics and Information Technology (MeitY), Government of India S. Krishnan, IAS para inaugural program karne “Empowering Police Personnel and Government Officials of NE States through IT and Cyber Security Training” project tho launch kuri shae.
(Morotsung Lonchar, IA)
Add Comment