Sri Lanka, November 29 – Sri Lanka ekta bishi dangor natural disaster face kuri ase Cyclone Ditwah barhe mati dangor dhoror pani, flood aru landslide anishe. Etu cyclone toh week surute form hoishe, bishi quick te strong hoi aru bishi jagah te destruction kuri jai she.
Officials laga hisab te, murta number 120 ke para beshi uthi jaishe, aru dangor poriman manu missing ase. Rescue team khan try kuri ase road block thaka aru cut-off area khan te punchi bole. Bishi manu landslide bhitor te ahiji jai thakishe, aru bishi manu flood pani te bohi jai she. Army, police aru disaster team khan din-raat rescue, evacuation aru relief kaam cholai ase.
44,000 ke para beshi manu nijor ghar parah bahar ahikina government-run relief camp te thaki ase, karon bishi ghar pani bhitor te dubi jai she na hoile damage hoijai she. Low-lying area aru hill-side district khan bishi effect hoishe. Nodi khan overflow, dam aru reservoir khan breach hoijai she, aru bishi road landslide karone bandh hoi jaishe.
Bijili aru network problem bhi bishi area te cholai ase, aru school khan band kori rakha hoishe. Government te country-wide emergency declare kori dishe jate rescue aru relief bhal para manage kuri paribo.
Bahari country khan bhi help kurikina food, medicine aru rescue team pathai dishe. Weather office khan warning di ase ki cyclone Sri Lanka parah move hoi jaishe nohoile remaining heavy rain aru hawa 1-2 din lagi thaki paribo, aru flood aru landslide danger bhi thaki paribo.
Authority khan bhabi ase ki casualty number bhi uthi jabo, jabole remote area khan te rescue team punchibo. Full damage estimate etiya bhi bhal para huwa nai, kintu Cyclone Ditwah Sri Lanka te aha bishi destruction kora cyclone majote ekta hobo bole mani ase.
Add Comment