Cyclone toh Mayotte te ahi kina bishi death toll laka bhui ase

France, 15 December 2024: Mayotte laka France’ Indian Ocean territory ke sopse biya cyclone pra hit kuri sihey islands ke almost ekta century par hoi kina. At least duita manu reportedly muri jaishey kicha Cyclone Chido Saturday din te ahi shey, etu pra wind gust 225km/h (140mph) tak anishey aro bhui khai ase bishi manu murishey koi kina. French President Emmanuel Macron pra koishey France toh Mayotte laka manu khan karne ase, etu time te French Officials khan pra koishey 250 firefighters aro security personnel ke island te phatai dibo aro kunba toh already tadeh punchi jaishey. France’s interior minister Bruno Retailleau pra koishey sop makeshift ghor khan pura puri biya kuri dishey aro tai bhui khai ase bishi death toll thakibo koina. Madagascar laka north-west te thaka, Mayotte toh archipelago ase aro ekta main island Frand-Terre lokot comprised ase aro alak kunba chutu khan. Cyclone toh full force pra nalagah agae te he Saturday din morning te, reports khan thaki shey ghas khan olai dia laka, building laka roof khan olai dishey aro power lines khan sop dupi jaishey.  Mayotte laka firefighters’ union la head, Abdoul Karim Ahmed Allaoui pra BFM news channel khan ke Saturday din morning te koishey emergency responders khan k locked down ase. Aro koishey echa mobile phone services khan nai aro island te manu khan ke punchi bo napareh.