Czech, Europe, 30 October : Czech President Petr Pavel laga recent gaffe toh camera dey capture kurishey aro internet dey viral jai asey. Mr Pavel toh ekta commemorative event dey thakishey Prague dey kitia tai galti para ekta sepoi laga topee girai dishey.
Kitia Czech President ke itu dangor pole dishey, tai para itu laga vazan komti asey phabna kurishey ari ekta sepoi attention dey khara kuri thakia taref swing kurishey, aro itu sepoi laga topee girai dishey. Juti ekta talvaar dhurina thakilewi, itu sepoi para composure rakhishey, react kurianai aro position dey thakishey kitia itu ceremony agey jaishey.
Itu sepoi topee nathakina parade kuria jaari rakhishey. Ekta sepoi tai laga piche dey smirk kuri thakishey aro haansiwoley nijor ke rukhai thakishey.
Mr Pavel para piche dey itu officer ke X dey maafi mangishey, formerly Twitter. Tai para likhishey, “Mui inika huilewi maafi mangiwoley lagi asey physical nahuiley psychological harm dia karoney Castle Guard laga ekta member ke kun ke ekta battle banner para maarishey ceremony thakia homoi Vitkov dey.”
Itu desh toh Czechoslovak Independence din manai thakishey Vitkov Memorial dey. Itu event toh Mr Pavel logot Army General Staff laga chief Karel Rehka para attend kurishey, aro alag high-ranking officials para bhi.
Add Comment