Singapore, 3 January : 2024 India karone chess laga action-pakera saal hoise, juntu te D Gukesh supreme kuri World Chess Championship Singapore te jitise. Itu laga pisote, Koneru Humpy New York te World Rapid Championship jitise.
Wednesday din release kora FIDE rankings hisab te, Gukesh fifth position te thaki ase, aru tai laga ELO rating 2783 ase. Tai laga agote Indian Grandmaster Arjun Erigaisi ase, junu fourth position te ase aru 2801 rating pra dominate kuri ase.
Women’s FIDE rankings te Koneru Humpy sixth position te ase 2523 rating pra, aru Divya Deshmukh 14th position te 2490 rating rakhi ase. D Harika 16th te ase ELO rating 2489 pra. R Vaishali, junu Blitz Championship te bronze jitise, 19th position te thaki ase. 21 saal laga Grandmaster Zhu Jiner ke 2.5-1.5 pra quarterfinal te harai dise, kintu semifinal te eventual champion Ju Wenjun ke 0.5-2.5 pra hari jaise. Blitz competition laga first din, Vaishali women’s standings te top te ase, junu te eight wins aru three draws rakhi knockout stage te pochai jaise.
FIDE rankings laga leader abhi bhi Magnus Carlsen ase, tai laga ELO rating 2831 ase. Fabiano Caruana aru Hikaru Nakamura bhi top te ase, aru India laga Viswanathan Anand 10th position te ase 2750 rating pra.
Gukesh laga championship moment Ding Liren, defending champion ke 14th game te harai diya pora ahi dise. Game equal footing te shuru hoise aru Liren laga plan hisab te jaise, kintu 55th move te massive blunder kuri, Liren resign kuri dise. Itu karone Gukesh youngest-ever world champion aru Anand pora piche India laga second champion banise.
Gukesh laga victory social media te etiya takta bhal praises pai thaki ase, fans aru former chess players tribute dibi ase. Kintu negative response bhi pai ase, juntu te Carlsen, Nakamura aru Vladimir Kramnik criticize kuri championship laga quality opor comment kuri dise.
Gukesh etiya Khel Ratna award pa bole ready ase, junu tai laga historic achievement recognize kuri ase.
Add Comment