D Gukesh para Anand laka motot tho janai di shae, World Chess C’ship jiti bole

December 29, 2024: D Gukesh tho India laka sobse popular celebrities taki bole pareh itia, taila historic World Chess Championship victory karne. 18 sal laka Gukesh tho sobse youngest world chess champion hui jai shae aro India laka second world chess champion hui jai shae legend Viswanathan Anand lokot deh. Gukesh para defending champion Ding Liren keh harai di shae ekta dramatic fashion deh. Championship tho decisive 14^th game deh punchi shae. Game tho Chinese grandmaster laka plan deh jah nishi nah taki shae, kun ekta tie-breaker kuri bole joborjost kuri taki shae. Hoile b Liren para 55^th move deh gulti kura tho tai resign kuri lui shae aro Gukesh laka against hari shae. Gukesh, April mohina deh Candidates Tournament jitia nah title showdown karne qualified hui shae. Etu Tournament deh tai tho pre-favorites taka nai aro last deh taki bole expect taki shae. Child prodigy aro world champion heh nahoi nah, Gukesh lokot deh itia ekta kara team b ase aro tateh taila baba b ase. India Today laka ekta interview deh, Gukesh para Anand laka impact keh praise kri shae aro chess legend tho taike personally motot kuri shae kui shae, taila chief trainer Grzegorz Gajewski keh tai lokot deh kam kuri d bole.