D Gukesh tou world chess champion para nami jaishey?

Switzerland, 23 January : FIDE aru Magnus Carlsen laga Freestyle Chess Players Club (FCPC) majote ekta dangor tension aru drama barhi thakise. Last December, FIDE officially FCPC aru laga Freestyle Chess Grand Slam Tour ke recognise kurise. Kintu turante accusation ahi jai ki FIDE zabardasti agreement accept kurise, nai to Carlsen year-ending Rapid aru Blitz Championship te participate nakuribo koishe.

Biya khobor te, Carlsen laga jeans scandal Rapid Championship New York te ulai thakise, juntu te FIDE laga dress code follow nakuri thakise. FIDE Carlsen ke fine kurise, aru jeans change nakuribo koishe karone, tai ke next day te pair nakurise. Itu karone Carlsen tournament para withdraw kurise aru accuse kurise ki FIDE FCPC players ke dhamkha dise ki Freestyle Chess Grand Slam te participate kurile World Championship cycle te thakibo nadibo.

2025 January te itu lora aur barhi thakise, aru FIDE Carlsen aru Hikaru Nakamura ke chess dunia ke divide kurithakise koishe. FIDE bhi disclose kurise ki FCPC ke recognise kurise goodwill te.

Response te, World No. 3 Nakamura YouTube te ekta video upload kurise, juntu te FIDE ke criticize kuri thakise aru world laga top players ke international chess body ke boycott kuribo appeal kurise. Jodi Nakamura laga request follow kurise, Indian top players bhi official Indian tournaments para withdraw kuribo pare. Itu te include ase reigning world champion D Gukesh, Arjun Erigaisi, R Praggnanandhaa aru Vidit Gujrathi.

Nakamura urge kurise ki itu players Freestyle Grand Slam Tour te khelibo, juntu te non-FIDE tournaments te bishi prize money ase. Jodi players itu follow kurise, Gukesh bhi world champion position para resign kuribo lagebo pare. Dusra side te, FIDE players khilaf legal action lobo koishe.

FCPC laga apna laga World Championship ke FIDE para recognise kuribo try kurise, kintu etiya tak successful nohoi. FIDE CEO Emil Sutovsky “X” te respond kuri koishe ki sob players, including Magnus aru Hikaru, ekta contract sign kurise ki FIDE approve nohoi thakile non-FIDE “World Championship” te participate nakuribo, aru itu contract 4 years tak valid ase. Magnus 2023 te aru baki top players 2024 te sign kurise. Sutovsky likhise, “Streamers buli claim kuribole pare, kintu contractual obligations to ase.”

Next World Championship 2026 te hobo, jun te Candidates Tournament laga winner Gukesh logot khelibo.