Chennai, 30 September : Pro Kabaddi League te, Dabang Delhi K.C. Kali rati Haryana Steelers ke 38-37 te harai dise SDAT Multi Purpose Indoor Stadium, Chennai te. Chennai leg laga opening din te thaka itu match te, Dabang Delhi control te thakise Ashu Malik laga Super 10 karone. Kintu, last quarter te Steelers dangor fightback dikhai dise, jaideep laga High Five aru Vinay laga 18 points thaka bhi last te fayda painai. Itu karone Dabang Delhi victory loi jaise.
Agey match te, Gujarat Giants UP Yoddhas ke 33-27 te comfortable win loi jaise itu stadium te he. Yoddhas laga Bhavani Rajput important points contribute korise, kintu etu bhi kaam painai, aru Giants paanchta match laga losing streak end kori thakise itu jeet logot. Aji rati 8 PM te Telugu Titans aru Patna Pirates khelibo, aru itu pichete 9 PM te Bengal Warriorz aru Puneri Paltan laga match hobo. Duita match bhi SDAT Multi Purpose Indoor Stadium, Chennai te khelibo.
Add Comment