Agencies, 22 October: Sunday din Vivo Pro Kabaddi Season VI laga Inter Zonal Challenge deh Dabang Delhi KC pora Bengal Warriors 39-30 logode first match jetise. Delhi karni Naveen Kumar pora 11 score marise aro Ravinder Pahal pora four points loise. Second half time deh Jang Kun Lee toh ektum phal kheli kena 10 points loise. Hoilebe Bengal khan nemide etu toh kafi thaga nai. Suru match time deh tuita team be ektum gara pora suru howah thakise. Two minute time deh tuita team be 2-2 score pora eki thakise. Five minutes bechide Naveen aro Chandran Ranjit pora raid point each lowah karni Dabang Delhi toh 4-4 score bonabole para thakise. Maninder Singh pora tuita points lowah karni Bengal Warriors toh eight minute time deh 8-5 pora agae deh thakise. Dabang Delhi toh arobe ektum kathara pora khela thakise aro 10 minute time deh 8-8 bonai deya thakise. 11 minute time deh Dabang Delhi toh 12-9 pora agae deh thakise. First haft kothom howah time deh Dabang Delhi toh 16-13 pora agae deh thakise. First half time deh Bengal Warriors’ defence toh agae naja thakise. Etu pora tai khan khali ekta point lowah thakise. Second half 23 minute time deg Dabang Dekhi toh 25-15 pora agae deh thaise. First half time deh kothom howah Lee toh regular intervals time deh ektum phal pora raid points bona thakise aro tai Bengal Worriors karni 10 score pora kothom kora thakise. Five minute pora be komti thaga time deh, Lee pora raid points mara karni 10 points pora namaideya thakise. Hoilebe Dabang Delhi toh last time deh olobe galdi nakori kena jeti lowah thakise. Next deh U Mumba toh Telugu Titans logode khelibole ase aro Puneri Paltan toh Bengaluru Bulls logode khelibole ase.
Add Comment