Dail daam nemite Congress kan Nationwide Protest

NEW DELHI, SEPTEMBER 5 : Dail daam kan India desh te besi uthejua aro India laga poisa namijua karne Congress Party kan Nationwide Protest manabole kuri ase. Etu ke tai kan Party porabi BJP-led Coalition Sorkar ke hala kuri ase. Etubi ami kan desh te Economic khel pura ulta kuride ase aro nahua chamala kuride ase koi kena.Etu Congress Party khobor hisabte Nationwide Protest manabole kura toh September moina darek 6 te manabole kuri ase. Etubi kedia tai kan Party General Secretaries aro State Unit Chiefs kan ke lok kurikena meeting mana bejete.Congress Party nemite kotha kura Manish Tewari pora June, 2008 te Petrol dail laga daam toh Rs. 45.52 pora Rs. 50.52 te uthejaise. Aro Diesel Dail laga daam toh Rs. 34.76 pora Rs. 37.76 te uthejai kena thakise. Etubi UPA Sorkar time te. Aro etu time te Crude daam toh $138.54 1 ta drum (per barrel) te mange thakise. Etu bejete aro July, 2008 te crude dail laga daam toh arobi $145 1 ta drum te manga huise. Etu time te BJP kotha kura manu pora UPA Sorkar ke kele eman daam uthe ase aro etu daam utha hisabte Economic ke nahua chamala kuridiya nesena ase koi kena janaide thakise koise.Huilebi aji-kali toh Crude dail daam toh 1 ta drum te $70 mange ase. Aro Delhi te 1 litre te Rs. 78 poisa mange ase. Etu hsiabte aji-kali laga Sorkar kan economic hisabte nahua chamala kuridiya hui na nahui koi kena janaide thakise.Etu karne Congress Party kan Nationwide Protest manabole kuri ase. Kele Petrol dail laga daam toh Rs. 39 1 litre te mangebo lagi aro Diesel dail laga daam toh Rs. 37.50 1 litre te mangebo lagi koi kena.