NEW DELHI, SEPTEMBER 18 : Dail daam kan besi uthe kena thaka majutte arobi National Capital, Delhi te Tuesday pujutte pora utha huise. Etubi Petrol dail 1 litre te Rs. 82.16 aro Diesel dail 1 litre te Rs. 73.87 hisabte manga huise koi kena.
Etu dail daam kan utha majutte Mumbai te thaka manu kan besi diktar bai ase. Kele Mumbai te toh Petrol dail 1 litre te Rs. 89.54 aro Diesel dail 1 litre te Rs. 78.42 manga huikena.
Tusera Metro City kan kobi Kolkat te toh Petrol dail 1 litre te Rs. 83.91 ase aro Diesel dail 1 litre te Rs. 75.53 ase. Aro Chennai te Petrol 1 litre te Rs. 85.31 ase aro Diesel dail 1 litre te Rs. 78 ase koise.
Etu dail kan laga daam besi uthejai thaka karne manu kan besi jun Sorkar logot hala kuri ase. Aro etu chamala nemite saidebole kuribi koi kena kotha khilaf kurikena janaide ase koise.
Add Comment