CHENNAI, SEPTEMBER 7 : Petrol aro Diesel dail laga daam kan Friday din tebi uthejai kena thakise. Etubi utha oporte uthekena. Etu karne Tamil Nadu Sorkar pora Centre kan ke etu dail laga Tax toh namaidebole aro komti kuridebole kuribi koi kena janaise. Kele etu pora ami kan Public manu nemite bhal hobo koi kena.
Fisheries Minister D Jayakumar pora tai kan State Sorkar pora alak-alak Welfare chis nemite Rs. 77,000 crore poisa toh chama kurikena debole kuri ase. Huilebi Dail kan laga daam besi uthejua pora olop diktar hui ase. Etu karne etu alak-alak Welfare chis nemite motub hobole karne etu dail laga Tax toh namaidebole kuile bhal hobo koi kena janaise. Kele etu porahi ami kan Public nemite bhal hobo laga ase koi kena.
Tai bi khobor kura manu kan ke Central Sorkar pora eman Tax kan mange kena lui. Etu ke etu dail laga Tax namaidele eku toh nahobo bari. Etu karne Dail nemite Rs. 16 1 litre te Tax manga toh Rs. 8 te namaide kena hisab kuribole kuribi koi kena janaide thakise.
Add Comment