‘Dangor ekta risk taki shae’: D Gukesh laka ama para kui shae

December 22, 2024: D Gukesh laka remarkable journey para dunia deh manu kan laka praise tania se. Taila triumph tho khali taila extraordinary talent heh nadikai hoile b taila ama, baba laka support aro sacrifice b dikai deh. ChessBase India laka ekta interview deh, Gukesh laka ama para taikan laka decisions kan share kuri shae aro taila bacha lah josh aro focus b share kuri shae, chess deh ekdum bhal hobo leh. Padma Kumari para taikan laka bold decision tho janai di shae. Taikan para Gukesh laka formal education tho 5^th grade piche deh ruka bole decision tho banai shae. Etu decision tho taike, khali taila chess career deh focus kuri d bole karne bana ase. “Mukan nijor keh bishi doubt kuri shae. Tai kitia tournaments deh bhal para perform nakuri bo, mukan nijor keh question huda shuru kuri bo, mukan thik decision tho banai shae nah nai kui nah. Tai tho khali bacha heh taki shae aro taila future keh shape kuri bole laka responsibility tho mukan lah upor deh taki shae.” Enaka challenges kan taki nah b,  taikan Gukesh laka potential keh biswas kuri shae. “Mukan Gukesh laka abilities keh kitia b doubt kura nai hoile b mukan laka decision, kuto school nahoi nah chess deh taki shae, etu tho hotai test hui taki shae.”