July 08, 2024: Dangor soil erosion hoishey, Zunheboto town laga Alahuto colony tey, narukhi kena pani bishi gira para. Itu notun para elect hoa member khan, ZTC laga, itu concern colony para, Vikheshe Aye para koishey ki, official khan, District Administration aru NSDMA, Zunheboto para itu ground situation opor tey khobor loishey aru precautionary evacuation kuriboley advise kurishey.
Deputy Commissioner Zunheboto, Rahul Bhanudas Mali (IAS) para toh hoiley inform kurishey ki, itu District Administration para toh hoiley emergency relief fund khan provide kurishey, itu thirteen affect hoi kena thaka ghor khan karney, kotey teenta ghor khan toh hoiley demolish kuri dishey, safety measure khan nimitey. Itu magnitude tey sai kena, itu soil khan erode hoa laga, major landslide holey anticipate kuri asey kuntu toh hoiley ekta serious chinta kuriboley laga hoi asey, Deputy Commissioner para koishey.
Properties, materials khan laga damage, electricity aru telephone poles/ lines disconnection khan laga report kurishey.
Add Comment