Agencies, 13 December: Sunday te Prime Minister Narendra Modi para India toh darbok hapta Parliament te kora te ketiya be napaoribo koise. Tai para be etu din 2001 te torror hapta para security personnel mora khan ke samaan deshe.
PM Modi para tweet te koise, “Ami khan toh ami khan laga Parliament te etu din 2001 te darbok hamla kora te ketiya be napaoribo. Ami khan laga Parliament nemide courage aro sacrifice kora khan ke ami khan yaat kori ase. India toh tai khan nemite hotai dhanyaabad thakibo”.
Etu din 19 sal agae te, Lok Sabha toh session te thakise aro ekta five-member suicide squad te Lashkar-e-Taiba aro Jaish-e-Mohammad terrorists be melikena Indian Parliament te hamla kora thakise. Houses toh hamla samai suspend korideya thakise hoilebi besi parliamentarians aro staff toh building pithor te thaki thaka thakise.
December 13, 2001 te, nine manu te, eight security personnel be melikena Pakistan-based outfits laga terrosists hamla nemide mora thakise. Sob five terrorists ke toh security forces para moraideya thakise. Jarta ke toh arrest kora thakise aro katha din bechide masterminds charge kora thakise.
Etu jar jun Mohammed Afzal Guru, Shaukat Hussain, Afsan Guru aro SAR Geelani kelaaf cases toh 10 sal opor jai thakise aro Delhi High Court aro Supreme Court para tui jun toh galdi napowa thakise aro tusara te toh death sentence deya thakise.
Etu hapta nemide India aro Pakistan majote high level laga tension howa thakise aro Parliament laga security te besi upgrade howa thakise.
Add Comment