GUWAHATI, January 5, 2019: Friday te Assam Police laga anti-corruption branch pora 56 saal manu Nasiur Rahman ke corruption karne Darrang te dhurise.
Times of India laga khobor hisab te Inspector of drugs laga office te lower division clerk Rahman Rs 25,000 rishwaat Azgor Ali laga haat pora lowa toh complain koriya karne department laga official pora red-handed dhurise.
Khobor te kowa toh “Etu manu pora Ali ke dawai laga wholesale dukaan kholibole license dibo karne Rs 30,000 mangise. Hoilebi etu poisa laga first installment hi dibo karne khota kurise”
Etu bi koi ase ki Ali pora anti-corruption branch ke complain kora biche te officials kan pora Rahman ke thoribole jal lagaise.
Prevention of Corruption Act laga nije te Rahman toh thori kena ase aro tai Saturday te court laga aage te bohibo.
Add Comment