Darshan laka aides para victim tho behosh nahua tak mari shae: Police

June 14, 2024: Kannada actor Darshan Thoogudeepa para 33 sal laka Renukaswamy keh ekta belt para mari taki shae, tai behosh nahua tak. Etu piche deh taila associates para ekta stick lui nah, taike mari shae aro wall laka against pilai di shae. Etu kura tho tai June 8 bdeh muri jai shae, investigators para Wednesday din deh kui shae. Investigators kan para murder laka chilling details kan kui shae. Etu murder laka case deh police para star aro taila long time partner Pavithra Gowda keh arrest kuri di shae. “Utu manu kan Darsham naha time deh, Renukaswamy keh mari taki shae. Mari taka tho taila bones kan bishi fracture hui shae aro last deh tai tho muri jai shae. Mukan evidence kan jama kuri ase,: ekta senior investigator para kui shae. Murderers, kun kan ekta shed deh Renkaswamy keh mari shae, taikan taila body tho ekta stormwater drain deh pilai di shae, police para kui shae. Investigator para Pavithra para Darshan keh provoke kuri shae kui shae, Renukaswamy laka against retaliate kuri bole. Etu retaliation tho Renukaswamy para taikan laka relationship deh bia kotha kan kwa karne ase. social media deh.