New Delhi, 20 November : ICC Men’s ODI rankings laga latest update te, New Zealand laga Daryl Mitchell India laga Rohit Sharma ke replace kori top-ranked batter banise, aru India laga pacer Jasprit Bumrah Test bowlers ranking te top position dhori thaki ase.
Mitchell etiya 1979 te Glenn Turner pisot prothom New Zealand player banise jun men’s ODI batting rankings te number-one position te uthise. West Indies logot series opener te match-winning century (118-ball 119) marikene Player of the Match award bhi paise — aru itu performance te tai Afghanistan laga Ibrahim Zadran aru Rohit duijon ke ekta rating point para cross kori dise. Itu hisab te Rohit laga 22 din laga short reign rankings te end hoi jaise. Glenn Turner pisot 46 saal pora kunba New Zealand player number-one position te uthana thakile bhi, Nathan Astle, Ross Taylor aru Kane Williamson khan highest third position tak jabo parise.
Pakistan laga Babar Azam bhi Rawalpindi te Sri Lanka logot unbeaten 102 marikene rankings te sixth place tak uthise. Tai laga teammate Mohammad Rizwan aru Fakhar Zaman khan series te duita half-century kori kene 22nd aru 26th place tak uthise.
Add Comment