Dassault kan Rafale Jet toh India ke 2019 sal te dedebo

ORLANDO, OCTOBER 16 : Dassault Aviation kan Rafale Jet Fighter toh India desh ka 2019 sal pora dedebole ase. Aro etu nemite notun kotha toh ahebole laga moina phale janaidebole ase koi kena, Chief Executive Eric Trappier pora Reuters khobor te janaise. Etubi Orlando te Monday din ekta Duniya pora sobse dangor Business Jet Show manabole thaka time te janaise.India desh kan etu Rafale Jet nemite Dassault Aviation kan logot 2016 sal pora hi kotha melekena thaka laga ase. Etubi 36 ta etu Rafale Jet India desh te batabole karne. Huilebi etu Jet nemite Opposition Parties kan besi khilaf kurikena kotha ulaise. Aro etu pora besi chamala huikena diktar kuride thaka laga ase koise. Etu bejete hi Tuesday din khobor te Dassault Aviation kan pora etu Rafale Jet toh India desh te 2019 sal pora suru kurikena batabole kuribo koi kena kotha janaidiya huise koise.