David Ketchum, comedian aru Get Smart’s Agent 13, 97 te murishey

New Delhi, 23 August : David Ketchum, ekjon famous comedian, voice artist aru comedy writer, 97 saal laga boyosh te nisina hoi jabole lagise. Tai besi porichiti paise tai laga Agent 13 laga role karone series ‘Get Smart’ te. Hollywood Reporter laga hishab te, David Ketchum August 10 te nisina hoise. Tai 1960s te bisi recognition paise tai laga comic timing aru brilliant acting karone. David Ketchum ekjon American comedian-actor thakise. Tai February 4, 1928 te Quincy, America te jonma hoise. Agey pora kowa jai ki tai initially electrical engineer bonibo bisari thakise, kintu pora studies majot comedy aru acting te interest ahise. Ketchum prothom bar dekha dise ‘I am Dickens’, ‘He’s Fenster’ te. Tai Agent 13 laga role karone ‘Get Smart’ te bisi porichiti paise. Actor hobo ke charikena, Ketchum TV shows laga writer bhi thakise, jiman ki ‘The Six Million Dollar Man’, ‘MASH’, ‘Petticoat Junction’ aru ‘The Andy Griffith Show’. 1979 pora David Ketchum besi active hoijabo lagise film te. Tai itu time te bisi manuh laga mon jitise tai laga brilliant performance karone film khan te jiman ki ‘Love at First Bite’, Barbara Streisand laga sports comedy ‘The Main Event’, aru ‘The North Avenue Irregulars’. Itu ke charikena tai ‘Young Doctors in Love’ aru ‘The Other Sister’ nisina film khan te bhi kaam kori dise. Acting ke charikena, David ekta comedy album bhi release kori dise, juntu naam ase ‘Long-Playing Tongue of Dave Ketchum’. David Ketchum laga family majot ase tai laga wife (karone almost 7 decades tak saithakise), duita daughter, tinta grandchild aru ekta great-grandson.