New Delhi, 8 February : Former World No. 31 Lloyd Harris aru 2019 Wimbledon Boys’ Singles champion Shintaro Mochizuki itu saal laga Delhi Open te top 8 seeds te thakibo. Itu ATP Challenger 75 event February 10-16 te Delhi laga DLTA Complex te panchtha edition nimite ulabo ase.
India laga Mukund Sasikumar, Ramkumar Ramanathan aru Karan Singh wild card entry paise, karon tai khan Davis Cup World Group I Playoff te Togo uporte 4-0 laga win te star performers thaikena ase.
Hard-court tournament te 32-player singles draw thakibo, jun te 21 direct entries, 3 wild cards, 6 qualifiers aru 2 special exempts ase. Mukund, Ramkumar aru Karan DLTA laga Centre Court te home fans logot jeet laga momentum continue koribo nimite utsahi ase.
South African Lloyd Harris, jun laga notable wins te Rafael Nadal bhi ase, itu tournament te fourth seed hobo. Japan laga 21 saal laga rising sensation Shintaro Mochizuki seed six thakibo.
Czech Republic pora Vit Kopriva draw te top seed hobo aru tai laga five ATP Challenger titles te aru ekta add koribo nimite try koribo. Second aru third seeds UK laga Billy Harris aru Australia laga Tristan Schoolkate ase, jun Brisbane te inaugural Queensland International jeetikena aahi ase.
India laga promising players Aditya Govila, Chirag Duhan, Sidhart Rawat aru Aryan Shah qualifying stage nimite wild card entries paise. Tai khan seasoned pros logot main draw laga chhota spots nimite compete koribo. Duhan aru Shah India laga Davis Cup squad laga part thaikena tai laga potential dikhai dise.
2024 te France laga Geoffrey Blancaneaux Delhi Open title jeetise, jun Hong Kong laga Coleman Wong ke 6-4, 6-2 haraishe. Kintu tai itu saal title defend no kora nimite ekta naya champion ulabo. Former Indian tennis star Somdev Devvarman itu competition laga most successful singles player ase, duita titles (2014, 2015) jeetikena.
Add Comment