Dimapur, 07 June: Deputy Commissioner, Dimapur, Rajesh Soundararajan para officially Ambulance Service toh Chumukedima Town Council te 7th June 2021 te suru korise.
DC, Dimapur para suru programme te Chumukedima Town Council ke appreciate korise kelay koile noble initiative logote agae aha aro khata samai te ambulance service bonabole manage kora nemite. Tai para be Altrura Society te tai khan laga morom nemite dhanyabad korise aro Little Hut be motob lakiya samai CTC logote melibole agae aha nemite. Tai para be ambulance service para Chumukedima jaga laga manu ke lamba samai serve koribole bhabona janaishe aro District Task Force toh khali Dimapur town laga manu khan nemite he nahoi kena pura district nemite phal health care aro medical facilities debole best ensure kori ase koise.
Purana ambulance toh pandemic samai te khata samai karni Altrura Society para donate kora ase. EAC and Administrator Chumukedima Town Council, Er. Seyiekhrietuo Solo hisab te, gari te olop repair korise 4×4 Attitude laga motob para aro Chumukedima Chamber Commerce and Trade Association para brand notun tires deshe aro Town Baptist Church, Chumukedima para be donate korise. Little Hut, ekta delivery service provider be be agae ahishe ambulance serice laga managing nemite Chumukedima Town Council logote melibole.
Add Comment