Dimapur, 20 October: Dimapur te grneral public aro konbah business khan majode careless attitude dekhi kena Deputy Commissioner Dimapur Rajesh Soundararajan IAS para besi gara C OVID precautions lobole koise.
Tuesday, 20th October 2020 te Dimapur District Task Force meeting te, DC Dimapur para members ke one’s own level para hosiyar janaide thakibole koise. Quarantine aro testing opor te, Dimapur district te phal satisfactory result dekhai ase hoilebe olda hoija nahoile othija nathakibole nemide jaga te mechanism rakhibole lakiya koise. Rajesh para be Dimapur district pithor laga outpost administrative officers ke direct korise, besi gara COVID measures nemide village authorities logode lok koribole. Tai para be current enforcement teams te administrative officers para head korikena besi enforcement activities gara koribole ase koise.
Meeting te CMO Dimapur Dr Mereninla para district laga COVID-19 situation opor te koishe aro public para tinta golden rules- mask lakabole, social distance maintain koribole aro haat sanitize koribole opor te koise.
Meeting te Director CISHR Dimapur, Dr.Sedevi, Director Airport Authority Dimapur, Shikuto from DCCI, Pastor Yanbemo aro tusara besi manu khan nemide nejor laga bhabona aro monchinda (concern) janaideya thakise.
Add Comment