Kohima, 18 April: Nagaland In-service Doctors Association (NIDA) para 18th-20th April 2022 te mass casual leavel protest kowa nemite, Chief Medical Officer, Medical Superintendent, NHAK, President, All Nagaland Private Practitioners Association, Administrative Officers under Kohima, Administrator of Bethel Hospital, K.P Bethesda Hospital, KOHIMAS, Oking Hospital aro Putonuo Nursing Home logote emergency meeting toh 17th April 2022 te DC Conference Hall jaga te lowa thakise. Deputy Commissioner, Kohima Gregory Thejawelie IAS para meeting te chair thaka samai NIDA issue te mela matters opor te kowa thakise. Suggest aro kotha kora bechite eku nalakiya dekthari/situations naolabole nemite, DC para sob Administrative Officers ke respective posting jaga te thakibole koise Health Centres logote co-ordinate koribole nemite aro situation te sabole aro judi emergency case ola thakile khobor koribole nemite. DC para be CMO te request korise lakiya khobor/notification toh sob concerned ke Facilitation Count at NHAK aro sob Health Centres under Kohima District te khulibole nemite aro etu toh Out Door Patient (OPD) aro emergencies nemite. Dr. Kezhalezo, Administrator, Bethel Hospital Kohima para private hospitals laga behalf te Administration logote motob aro co-operate koribole janai deya thakise. Etu etu nesana, rafeeral aro tusara patients kon ke medical attention laki ase mass casual leave samai private hospitals para care lobole fesla korise. Emergency laga case te co-ordination nemite, ekta Control Room toh DC’s office aro CMO’s office jaga te khulibole fesla korise aro etu te ADC aro CMO para sabo aro etu toh sob Administrative Hqs te be khulibole felsa korise kelay koile public laga needs/lakiya te facilitate koribole nemite. Aro District Administration para proposed protest te mela ke matter te hoilebe sabo aro agae course of action nemite judi lakiya thakise koile notification toh bonabole/debole ase koise.
DC Kohima para Emergency Meeting Medical Fraternity logote loise
Add Comment