DC Mokokchung para Dr. Ambedkar Medical Scheme deh inform kuri shae

June 13, 2024: Deputy Commissioner, Mokokchung, Thsuvisie Phoji para revised objectives aro application process deh kobor janai shae, Dr. Ambedkar Medical Aid Scheme karne. Dr. Ambedkar Medical Aid Scheme  laka primary objectives tho Schedule Caste (SC) aro Schedule Tribes (ST)community laka patients kan keh financial assistance dibo karne ase. Community, kun kan severe ailments para suffer kuri ase aro kuto karne costly medical interventions lakeh, etu kan keh financial motot kuri bo karne ase. Etu deh kidney, heart, liver, cancer, brain aro alak life – threatening diseases, organ transplants aro spinal surgeries kana se. Eligibility Criteria tho etu ase: Income Limit: Applicant laka family income tho Rs. 3,00,000/-( Rupees Three Lakhs) per annum par kuri bo nalgeh

Application Process – Applicants kan scheme karne etu kan kuri nah apply kuri bo pari bo: 

1. Prescribe application form tho post submit kuri nah nahoileh
2. Dr. Ambedkar Foundation (DAF) website deh available taka prescribed proforma tho ekta plain paper application deh detail kuri nah

Apply kuri bole – necessary documents kan jama kuri b aro DAF website deh instruction tho follow kuri nah application tho submit kuri b.

Note: Sob applications tho complete ase kui nah ensure kuri b aro processing deh delay nata kibo kanre required documents tho include kuri bo

Scheme tho ekta zaruri step ase, SC aro ST communities kan keh equitable healthcare di bole. Aro details kan pabo karne aro application form tho download kuri bo karne, morom she Dr. Ambedkar Foundation laka website tho visit kuri bo.

(DPRO Mokokchung)