Phek, 25 July: Phek Bible Colony te thaka notun bona Farmers’ Market, Phek toh Deputy Commissioner, Phek Razouvolie Dozo (NCS) para 23rd July 2021 te inaugurate korise.
Notun inaugurate kora Market complex toh Department of Rural Development para under GIA to RLBs te 2019-2020 samai te bonaishe aro etu toh Village Development Board (VDB) Phek Village para sabole ase.
DRDA, Phek laga source hisab te, inaugural Guest Razouvolie Dozo para tai laga adresss te area laga manu khan ke appeal korise bona complex toh phal para jolabole nemite. Farmer khan nejor laga saman khan phal para bekhabole koise kelay koile customers ke attract koribole nemite aro daam otha para ketiya be advantage nalobole koise. RD department para tai khan laga phal kaam nemite appreciate korikena, Dozo para be management authority ke phal service toh manu khan ke debole koise aro sundor asset mela logote area laga manu khan besi phak farmers toh tai khan laga saman bekhai kena laab pabole aro tai khan laga phal jevaan hobole bhabona janaishe.
Project Director (PD), DRDA, Phek Razukhru D. Vasa, former BDO, Phek Block, Kuhucuyi D. Vadeo, BDO, Phek Block, Heipeuding Ilunglung aro former VCC, Phek Chivozo Soho para be inauguration ceremony samai te kotha korise. PD, DRDA para Department laga behalf te construction te mela sob manu ke gratitude janaishe aro special gratitude toh Assistant EE, Joseph Devasia aro VDB Phek ke janaishe kelay koile quality workmanship logote selfless service deya nemite ro construction toh thek samai te kothom kora aro fund thek para jola nemite.
Program te VCC, Phek Kuzhonecho Keyho chaired thakise. Pastor, Phek Bible Hill Baptist Church, Rev. Nuvosayi Vese para Isor laga ashirbad nemite prathana korise. VDB Secretary Phek Village, Nechotsu Venuh para welcome note koise. Note of gratitude PVC Secretary Vepichi Keyho para koise aro Phek Village Baptist Church (PVBC) Pastor Vesito Venuh para closing prayer korise. Etu bechite luncheon aro photo session thakise.
Add Comment